Hokkeıden Prezıdent kýbogynda «Barys» alǵashqy oıynda jeńilip qaldy

NUR-SULTAN. QazAqparat – Shaıbaly hokkeıden Qazaqstan Prezıdenti kýbogynyń alǵashqy oıyn kúni aıaqtaldy, dep habarlaıdy QazAqparat tilshisi.

Týrnırde elordalyq «Barys» birinshi oıynyn Reseıdiń «Avtomobılıst» (Ekaterınbýrg) komandasyna qarsy ótkizdi.

Oıyn barysynda qazaqstandyq klýbtan Nıkıta Mıhaılıs - 13, Djeremı Brakko - 32, Entonı Lýıs 52-mınýttarda gol soqty. Oǵan qarsylas komanda úsh golmen jaýap berdi.

Osylaısha negizgi kezeń 3:3 esebimen teń aıaqtalyp, overtaımda reseılik klýb jeńis shaıbasyn soǵyp ketti.

Atalǵan týrnırdegi taǵy bir kezdesýde Reseıdiń «Metallýrg» (Magnıtogorsk) klýby «Neftehımık» (Nıjnekamsk) komandasynan 4:1 esebimen basym tústi.

Endi «Barys» ekinshi oıynyn 17 tamyzda «Neftehımık» komandasyna qarsy ótkizedi.

Eske salsaq, týrnırge qatysýǵa nıet bildirgen Qytaıdyń «Kýnlýn Red Star» komandasy jarysqa kele almaıtynyn málimdegen edi.

Foto: hcbarys.kz