Hokkeıden Prezıdent kýbogy: «Barys» «Saryarqadan» jeńilip qaldy
NUR-SULTAN. QazAqparat - Elordada shaıbaly hokkeıden QR Prezıdenti kýbogy bastaldy, dep habarlaıdy QazAqparat tilshisi.
Atalǵan saıysta qazaqstandyq «Barys», «Saryarqa», «Torpedo» klýbtarymen birge Qytaıdyń «Kýnlýn Red Star» komandasy baq synaıdy.
Alǵashqy týrda «Barys» oılamaǵan jerden «Saryarqaǵa» 3:4 esebimen jeńilip qaldy. Al «Torpedo» dál sol eseppen «Kýnlýn Red Starǵa» jol berdi.
Endi 12 tamyzda «Saryarqa» men «Torpedo», «Kýnlýn Red Star» men «Barys» komandalary sheberlik baıqasady.
Aıta keteıik, atalǵan týrnır 11 jáne 15 tamyz aralyǵynda ótkiziledi. Komandalar irikteý satysynda bir-bir oıynnan ótkizedi. Odan keıin alǵashqy eki oryndaǵy ujymdar jarystyń fınaldyq satysyna shyqsa, qalǵan ekeýi úshinshi oryn úshin saıysqa túsedi.
