Hokkeıden Prezıdent kýbogy: «Barys» qytaılyq klýbtan basym tústi
NUR-SULTAN. QazAqparat - Elordada shaıbaly hokkeıden QR Prezıdenti kýbogynyń ekinshi oıyn kúni aıaqtaldy, dep habarlaıdy QazAqparat tilshisi.
Elordalyq «Barys» ekinshi oıynyn Qytaıdyń «Kýnlýn Red Star» komandasyna qarsy ótkizdi. Oıyn barysynda qazaqstandyq klýbtyń basymdyǵy baıqalyp turdy.
Birinshi kezeńniń 5-mınýtynda elordalyq klýbtan Mett Frettın esep ashty. Odan keıin Kırıll Savıtskıı 32, Kodı Kýnık 33, Nıkıta Mıhaılıs 34-mınýtta «Barystyń» basymdyǵyn arttyra tústi.
Al «Kýnlýn Red Star» oıynshylary Parker Fý 39, Greg Skvaırz 54-mınýttarda gol soǵyp, esep aıyrmasyn qysqartqan edi.
Oıynnyń 56-mınýtynda Roman Starchenko qorytyndy esepti belgiledi.
Nátıjesinde «Barys» qarsylasynan 6:2 esebimen basym tústi.
Sondaı-aq, búgin Qaraǵandynyń «Saryarqasy» Óskemenniń «Torpedosyn» 2:1 esebimen jeńdi.
Alǵashqy týrda «Barys» «Saryarqaǵa», «Torpedo» «Kýnlýn Red Starǵa» 3:4 esebimen ese jibergen edi.
Aıta keteıik, atalǵan týrnır 15 tamyzda máresine jetedi. Endi 14 tamyzda «Barys» pen «Torpedo», «Saryarqa» men «Kýnlýn Red Star» komandalary sheberlik baıqasady.
Komandalar irikteý satysynda bir-bir oıynnan ótkizedi. Odan keıin alǵashqy eki oryndaǵy ujymdar jarystyń fınaldyq satysyna shyqsa, qalǵan ekeýi úshinshi oryn úshin saıysqa túsedi.
