Hokkeıden qurlyqaralyq Kýbok: «Beıbarys» fındik «Vaasa» klýbynan basym tústi
ASTANA. 21 qazan. QazAqparat -» Hokkeıden qurlyqaralyq Kýbok básekesinde atyraýlyq «Beıbarys fın klýby «Vaasa» komandasyn 5:4 esebimen tize búktirip, ekinshi ret jeńiske qol jetkizdi.
Vesti.kz habarlaǵandaı, alǵashqyda Aleksandr Istomınniń shákirttteri abdyrap-aq qaldy. Birinshi kezeńde 0:3 esebimen qarsylastar basym boldy. Tek ekinshi jıyrma mınýttyqta Ilıa Akolzın qaqpa kiltin buzdy. Biraq artynsha Tomı Pekkala taǵy esepti ulǵaıtyp úlgerdi. Degenmen «Beıbarys» ekinshi kezeńniń sońyna taman shıraı bastady. Bul joly Evgenıı Antonov kózge tústi.
Úshinshi kezeńde Sergeıý Ogorodnıkov pen Andreı Zaharovtyń arqasynda esep teńesti. Al Alekseı Repkın oıynnyń aıaqtalýyna nebári tórt mınýt qalǵanda atyraýlyqtardy alǵa shyǵardy.
Búgin qazaqstandyqtar Mıskolchte venger klýby "Polar Bırs" oıynshylarymen kezdesedi.
