Hokkeıden qurlyq kýbogy: «Saryarqa» qarsylasyna ese jiberdi
NUR-SULTAN. QazAqparat - Shaıbaly hokkeıden qurlyq kýbogy fınaldyq satysynyń alǵashqy oıynynda qaraǵandylyq «Saryarqa» qarsylasyna ese jiberdi, dep habarlaıdy QazAqparat tilshisi.
Qazaqstandyq klýb atalǵan kezdesýde Polshanyń «Krakovııa» komandasymen sheberlik baıqasty. Oıyn barysynda qaraǵandylyq hokkeıshiler esep ashqan edi. Odan keıin polshalyq klýb eki shaıba soǵyp ketti. Nátıjesinde «Saryarqa» qarsylasyna 1:2 esebimen jol berdi.
«Krakovııa» (Krakov, Polsha) - «Saryarqa» (Qaraǵandy, Qazaqstan) 2:1 (0:1, 2:0, 0:0)
0:1 - Rahmanov (Anohovskıı, Barbashev) - 03:47
1:1 - Popıtıch (Solovev) - 27:10 GM
2:1 - Gýla (Mışenko) - 34:45
Endi «Saryarqa» 7 naýryzda Danııanyń «Olborg» komandasymen kezdesedi.
Qurlyqtyq kýbok oıyndary 1998 jyldan beri turaqty túrde ótkizilip keledi. 2018/2019 jylǵy kezeńde qazaqstandyq «Arlan» (Kókshetaý) atalǵan týrnırde jeńimpaz atandy.
Al 2016/2017 jylǵy kezeńde «Beıbarys» (Atyraý), 2017/2018 jylǵy kezeńde «Nomad» (Nur-Sultan) kúmis júldege qol sozdy. Sondaı-aq, 2007/2008 jylǵy kezeńde «Qaztsınk-Torpedo» (Óskemen) úzdik úshtikti túıindedi.
