Hokkeıden KSRO quramasynyń bapkeri bolǵan Vıktor Tıhonov qaıtys boldy
ASTANA. QazAqparat - Belgili bapker, úsh dúrkin Olımpıada chempıony Vıktor Tıhonov 85 jasynda Máskeýde qaza tapty, dep habarlady aqparattyq agenttikter TsSKA klýbyna silteme jasap.
Vıktor Tıhonov 1977 jyly hokkeıden KSRO quramasyn basqarǵan. Onyń jetekshiligimen qurama komanda álem chempıonatynda segiz márte jeńiske jetip, Olımpıada oıyndarynda úsh ret altynnan alqa taqqan.
Máskeýlik TsSKA quramasynyń bapkeri retinde ol KSRO chempıonatynda 13 ret jeńimpaz atanǵan.
