Hokkeıden QR jastar quramasy Álem chempıonatynda neshinshi oryn aldy
NUR-SULTAN. QazAqparat – Qazaqstan quramasy (U-20) hokkeıden 2022 jylǵy jastar arasyndaǵy álem chempıonatynda A tobynyń birinshi dıvızıonynda óner kórsetýin aıaqtady, dep habarlaıdy QazAqparat Sports.kz saıtyna silteme jasap.
Qorytyndy matchta Qazaqstan Latvııadan 1:3 upaımen jeńilip qaldy. Osylaısha, bes matchta Qazaqstan quramasy alty upaı jınap, týrnır kestesinde 4-orynǵa orynǵa jaıǵasty. Komandalardyń sońǵy orny mynadaı: Belarýs – 15 upaı, Latvııa – 12, Norvegııa – 9, Qazaqstan – 6, Danııa – 3, Majarstan – 0.
A tobynan elıtalyq dıvızıonǵa Belarýs quramasy ótti.
Qazaqstan quramasy 2022 jylǵy Jastar álem chempıonatynda Majarstan (3:1) men Danııany (4:1) jeńip, Norvegııa (2:5), Belarýs (2:4) jáne Latvııadan (1:3) jeńilip qaldy.
