Hokkeıden QR quramasynyń forvardy «Torpedoǵa» ketti
ASTANA. QazAqparat - Qazaqstan quramasynyń shabýylshysy Artem Lıhotnıkov óskemendik «Torpedo» hokkeı klýbyna aýysty, dept habarlaıdy QazAqparat «SPORTINFORM» SAA-ǵa silteme jasap.
«Barystyń» burynǵy oıynshysymen ekijaqty kelisimshart maýsymnyń sońyna deıin jasalǵan.
«Artem Lıhotnıkov 2018/2019 maýsymyn elordalyq «Nomadta» (13 match, 6 shaıba jáne 2 goldyq pas) bastap, keıin «Molot-Prıkame» klýbyna (17 match) ótti. Temirtaýlyq hokkeı tárbıelenýshisi «Torpedoda» 12-inshi nómirmen oınaıtyn bolady», - delingen klýbtyń habarlamasynda.
Eske salaıyq, ótken maýsymda Lıhotnıkov «Barysta» óner kórsetken edi. QHL turaqty chempıonatynyń 32 matchynda 4 (2+2) upaı jınaǵan bolatyn.
