Hokkeıden QR 9-shy Kýbogine 10 komanda qatysady
ASTANA. 19 tamyz. QazAqparat /Rýslan Ǵabbasov/ - 20-27 tamyz aralyǵynda Astanada hokkeıden Qazaqstan Respýblıkasynyń Kýbogi ótedi. Bul týraly búgin elordada atalǵan saıysqa baılanysty bolǵan baspasóz máslıhatynda Qazaqstan Hokkeı federatsııasynyń bas dırektory ıÝrıı Zverev aıtty.
«Erteń Astanada hokkeıden Qazaqstan Respýblıkasynyń erler komandalary arasynda 9-shy Kýbogi bastalady. Bul sporttyq sharaǵa elimizdiń 10 komandasy qatysady. Aıta keteıik, bıyldan bastap «Astana» atty jańa komanda qatarǵa qosyldy»,-dedi ol.
Atap aıtqanda, «Astana» hokkeı klýby bıylǵy jazda elordada jasaqtaldy. Erteń bastalatyn bul dodada komandalar «A» jáne «V» toptaryna bólingen.
Esterińizge sala keteıik, atalǵan Kýbokti sarapqa salý 2001-2002 jyldardaǵy oıyn kezeńinen bastalyp otyr. Búginge deıin 8 Kýbok oıyndary ótip, 4 ret «Qaztsınk-Torpedo», 3 márte «Qazaqmys», sondaı-aq 1 ret «Gornıak» komandasy jeńimpaz atandy.
Endi 2011 jylǵy osy aıtýly saıysqa elordalyq «Astana», «Barys-2» komandalary, «Arlan» (Kókshetaý), «Qaztsınk-Torpedo» (Óskemen), «Gornıak» (Rýdnyı), «Saryarqa» (Qaraǵandy), «Almaty» (Almaty), «Beıbarys» (Atyraý), «Arystan» (Temirtaý), «Ertis-Pavlodar» (Pavlodar) komandalary qatysady.
