Hokkeıden Qazaqstannyń pleı-off chempıonaty bastalady

Shırekfınal aýqymynda tórt kezdesý bolady: "Arlan" (Kókshetaý) - "Astana", "Ertis-Pavlodar" - "Barys-2" (Astana), "Arystan" (Temirtaý) - "Almaty" jáne "Beıbarys" (Atyraý) - "Gornıak" (Rýdnyı). Alǵashqy úsh match 17:00-de, sońǵysy - 18:00-de bastalady. Bul týraly Vesti.kz habarlady.

Sondaı-aq búgin Astanada shahmattan komandalyq álem chempıonaty aýqymynda Qazaqstan quramasy Qytaı sportshylarymen kúsh synasady. Kezdesýdiń bastalýy - saǵat 15:00-te. Eske sala keteıik, keshe bizdiń shahmatshy qyzdarymyz Túrkııany 3:1 esebimen utyp, alǵashqy jeńiske jetti. Alty týrdan keıin birinshilik qojaıyndary týrnır kesesinde altynshy orynda keledi.

Fýtzaldan el chempıonatynyń 17-shi týry aýqymynda almatylyq TsSKA oraldyq «Taıpaqpen» kezdesýde.

Oıyndar saǵat 12:30-da bastalyp ketti.

Ulttyq lıganyń áıelder komandalary arasynda basketboldan Qazaqstan chempıonaty jalǵasýda. Pavlodarda jergilikti Ertis-ANHZ «AstanaTıgrimen» oınaıdy, al «Oqjetpes» «Almatymen» synǵa túsedi.

Shańǵy jarysynan Álem kýboynyń 13-shi kezeńi aýqymynda Qazaqstan quramasy klassıkalyq stılde 15 shaqyrymdyq qashyqtyqta synǵa túsedi. Oǵan komanda kóshbasshysy Alekseı Poltoranın de qatyspaq. Jarys astana ýaqytymen saǵat 16:00-da bastalady.

Sochıde bıatlonnan Álem kýbogynyń segizinshi kezeńiniń estafeta jarystary ótedi. 17:45-te jarys jolyna erler, al 20:30-da qyzdar shyǵady.

«Astana» velokomandasynyń jankúıerleri úshin búgingi jarys ta qyzyqty bolmaq. Frantsııada «Parıj-Nıtstsa» kópkúndigi aıaqtalady. Onda Andreı Grıvko jaqsy óner kórsetip, joǵary pozıtsııada keledi. Ázirshe ol onynshy orynda, degenmen veloshabandozdyń aıtýynsha, úshinshi orynǵa qol sozý úshin 30 sekýnd qana kerek. Sonymen qatar Italııada «Astananyń» qatysýymen «Tırreno-Adrıatıko» kópkúndigi jalǵasýda, búgin besinshi kezeń ótedi.