Hokkeıden Qazaqstan jasóspirimder quramasy búgin Norvegııamen kezdesedi
NUR-SULTAN. QazAqparat - Búgin, 11 sáýirde Slovakııanyń Peshtını qalasynda shaıbaly hokkeıden jasóspirimder arasynda álem chempıonaty jalaýyn kóteredi, dep habarlaıdy QazAqparat tilshisi.
Aıta keteıik, qazaqstandyq hokkeıshiler birinshi dıvızıonda A tobynda synǵa túsedi. Qarsylastary - Norvegııa, Danııa, Slovakııa, Frantsııa jáne Japonııa.
Qazaqstan jasóspirimder quramasynyń bapkerleri dúbirli dodaǵa qatysatyn 23 hokkeıshiniń tizimin jarııalady.
Qaqpashylar: Vladımır Nıkıtın, Darmen Gabdýllın, Artem Shestakov (barlyǵy – «Barys»).
Qorǵaýshylar: Artem Avdeenko, Dmıtrıı Breýs, Nıkıta Seleznev, Semen Roev, Aslan Júsipbekov (barlyǵy – «Barys»), Kırıll Han («Torpedo», Óskemen), Igor Ponomarev («Qyran», Qaraǵandy).
Shabýylshylar: Roman Ermak, Aldııar Nurlan, Rýslan Ospanov, Danııl Svıntalskıı, Vsevolod Logvın, Kırıll Lıapýnov, Asanálı Rýslanuly, Semen Sımonov, Ilıa Shaporov, Ádil Beısembaev, Temirlan Kıtarov, Denıs Leýta, Aleksandr Fokın (barlyǵy – «Barys»).
Elimizdiń jasóspirimder quramasyna Sergeı Starygın bapkerlik jasaıdy.
Qazaqstandyq hokkeıshiler búgin alǵashqy oıynyn Norvegııaǵa qarsy ótkizedi.
