Hokkeıden Qazaqstan jáne Sankt-Peterbor quramalarynyń qorǵaýshysy Kevın Dallmen - tórt balanyń ákesi
ASTANA. 6 tamyz. QazAqparat - Hokkeıden Qazaqstan jáne Sankt-Peterbor quramalarynyń qorǵaýshysy Kevın Dallmen tórt balanyń ákesi atandy,
dep habarlady Vesti.kz.
Hokkeıshiniń jubaıy Steısı qyz bala týdy, onyń esimi - Mıla. Erli-zaıyptylardyń Noa jáne Djekson esimdi eki uly men Eıva degen qyzy bar.
Jańa týǵan náreste anasymen birge Soltústik Amerıkada, Kevındi olarǵa barý úshin klýbtyń jıynynan da bosatty.
Eske sala ketsek, Dallmen tórt maýsym boıy «Barys» hokkeı klýbynyń kapıtany boldy, onyń quramynda qorǵaýshylar arasynda Qurlyqaralyq hokkeı lıgasynda 102 ret dopty dál berip, rekord ornatqan bolatyn. Ótken jyly ol Qazaqstannyń azamattyǵyn aldy.
