Hokkeıden Qazaqstan ulttyq quramasynyń bas bapkeri Arı-Pekka Selın jeńilis sebebin túsindirdi
ASTANA. QazAqparat - Hokkeıden Qazaqstan ulttyq quramasynyń bas bapkeri Arı-Pekka Selın Germanııa quramasymen ótken kezdesýden keıin oıyn týraly óz pikirimen bólisti. Bul týraly «KAZsport» habarlady.
Bapkerdiń aıtýynsha, onyń shákirtteri kezdesýdiń alǵashqy jáne sońǵy kezeńderinde nashar oıyn kórsetken. «Germanııa quramasyn bul jeńisimen quttyqtaımyn. Biz alǵashqy kezeńde múldem oıynymyzdy kórsete almadyq. Ekinshi kezeńde tizgindi qolǵa alǵandaı bolyp edik, biraq sheshýshi kezeńde alańnan qýylýdan arylmadyq. Búgingi oıynda alǵan bir upaı biz úshin mańyzdy. Qarsylastar komandasy kileń jastardan turady, jeńiske jetýleriniń bir sebebi sol», dep qorytyndylady Arı-Pekka Selın.
Esterińizge sala keteıik, shaıbaly hokkeıden Mınskide ótip jatqan álem birinshiliginde Qazaqstan quramasy búgin alǵashqy kezdesýin Germanııa quramasyna qarsy ótkizip, negizgi ýaqyt 1:1 esebimen teń aıaqtalǵanymen, býllıtter serııasynda jeńilis tapty. Erteń, mamyrdyń 11-de Qazaqstan quramasy aıdyn ıeleri - Belarýs quramasymen kezdesedi.
