Hokkeıden Qazaqstan Pro Ligasy: Pleı-off kezeńine qatysatyn úsh komanda anyqtaldy
NUR-SULTAN. QazAqparat – Pleı-offqa merziminen buryn alǵashqy bolyp shyqqandar – Óskemenniń «Torpedo» komandasynyń hokkeıshileri, olardan keıin pleı-offqa joldamany qaraǵandylyq «Saryarqa» jáne elordanyń «Nomad» komandasy alǵan, dep habarlaıdy QazAqparat «SPORTIMFORM» SAA-ǵa silteme jasap.
Chempıonat kóshbasshysy – «Torpedo» qazirgi kezde 35 matchtyń 33-in jeńip, aktıvinde 90 upaıy bar. Bul nátıjesiniń arqasynda Oleg Bolıakınniń qaramaǵyndaǵy sportshylar keıbir qarsylastarynan áldeqaıda ozyp ketken.
«Gornıak» «Temirtaýdan» jeńilgen soń, «Saryarqa» men «Nomad» komandalary chempıonattyń fınaldyq bóliginde ózderine oryn daıyndap qoıǵan.
Bul eki ujym týrnır kestesiniń tómengi bóligindegi komandalardy shańyna jetkizbeı qoıdy. Qaraǵandylyqtardyń aktıvinde 27 jeńis pen 79 upaı. Al «kóshpendilerdiń» qanjyǵasynda 27 jeńis pen 77 upaı bar.
