Hokkeıden Qazaqstan men Reseı oıynyn qaıdan kórýge bolady
ASTANA. QazAqparat – Búgin Astanada halyqaralyq «Qazaqstan Hockey Open 2023» týrnırindegi alǵashqy oıynda Qazaqstan quramasy Reseımen kezdesedi, dep habarlaıdy QazAqparat tilshisi.
Qazaqstan men Reseı oıyny elorda ýaqytymen 19:20-da bastalyp, «Qazsport» telearnasynan tikeleı efırde kórsetiledi.
Sondaı-aq, halyqaralyq týrnır aıasynda qazaqstandyq hokkeıshiler 7 mamyrda Belarýspen sheberlik baıqasady.
Al, 13 mamyrda el quramasy Fınlıandııanyń Tampere jáne Latvııanyń Rıga qalasynda ótetin álem chempıonatynda V tobyndaǵy oıynyn bastaıdy. Qarsylastary – Kanada, AQSh, Shveıtsarııa, Slovakııa, Latvııa, Norvegııa jáne Slovenııa.
Qazaqstandyq hokkeıshiler toptyq kezeńdegi oıyndaryn Rıga qalasynda ótkizedi.
Eske salsaq, budan buryn shaıbaly hokkeıden Qazaqstan quramasy Ońtústik Koreıany joldastyq kezdesýde ekinshi márte jeńdi.
