Hokkeıden Qazaqstan quramasynyń bas menedjeri Shýmı Babaev qyzmetinen ketti
ASTANA. 27 mamyr. QazAqparat - Búgin Qazaqstan shaıbaly hokkeı federatsııasy atqarý komıtetiniń qorytyndy otyrysynda hokkeıden erler ulttyq quramasynyń bas menedjeri Shýmı Babaevtyń otstavkasy biraýyzdan qabyldandy.
Bul týraly QHF baspasóz qyzmetine silteme jasap, Sports.kz habarlaıdy.
«Men qurama komanda durys jolda dep sanaımyn. Bizdiń Olımpıadaǵa joldama ala almaǵanfymyzǵa basty aıypty adam - bul men. Bul óte úlken jeńilis. Sondyqtan, men qyzmetimnen ketýge májbúrmin jáne ony qabyldaýlaryńyzdy suraımyn», - dedi Sh.Babaev Atqarý komıtetiniń otyrysy barysynda.
Ulttyq quramanyń bolashaǵy týraly aıta kelip, Shýmı Babaev klýbtar basshylarynan kóp qoldaýǵa ıe bolǵanyn jáne ári qaraı da osy baǵytta damý kerek ekenin atap ótti.
«Sizderden ári qaraı da quramaǵa jan-jaqty jáne qomaqty kómek kórsetýlerińizdi suraımyn. Sebebi, sizder aralaspaı, sizder kómektespeı, jetistikke qol jetkizý múmkin emes. Tek qana sizderdiń qoldaýlaryńyzben oıynshylar tıisinshe damıtyn bolady jáne bul jaqyn bes jyldyqta quramanyń múlde basqa deńgeıge shyǵýyna jaǵdaı jasaıtyn bizdiń jalǵyz múmkindigimiz», - dep jalǵastyrdy ol.
