Hokkeıden Qazaqstan quramasyna úmitkerler «Barysqa» jol berdi
ASTANA. 8 qarasha. QazAqparat - Astanalyq «Barys» hokkeı klýby alǵashqy joldastyq matchta hokkeıden Qazaqstan quramasyna úmitker komandany jeńdi, dep habarlady Vesti.kz
Astanadaǵy «Qazaqstan» sport saraıynda ótken match 5:0 esebimen aıaqtaldy. Oıyn barysynda Roman Starchenko (9-shy mınýtta), Konstantın Rýdenko (29-shy mınýtta), Vıktor Aleksandrov (30-shy mınýtta), Mıhaıl Rahmanov (39-shy mınýtta) jáne Brendon Bochenskı (47-shi mınýtta) erekshelendi. Qosymsha býllıtter serııasynda «Barys komandasy 1:0 esebimen basyp ozdy. Bul joly Djon Mırastı kózge tústi.
Búgin astanalyq komanda taǵy bir joldastyq kezdesýin ótkizedi.
