Hokkeıden Qazaqstan quramasy TOP-dıvızıonǵa ene almady
ASTANA. QazAqparat -Álem chempıonatynyń birinshi dıvızıondaǵy sońǵy matchynda muz aıdynynda Ońtústik Koreıa men Ýkraınanyń komandalary kezdesti, dep habarlaıdy Sports.kz .
Birinshi jıyrma mınýtta shaıbalar soǵylmady. Ekinshisinde komandalar goldarmen almasty, al úshinshi jıyrma mınýt taǵy bir qalypty ótti. Overtaım nátıje ákelmedi, al býllıtter serııasynda kárister myqtyraq boldy - 2:1.
Osylaısha, kesteniń birinshi ornyna 12 upaıy bar Avstrııa ornalasty.Ońtústik Koreıa quramasy 11 upaı ıelenip, ekinshi orynǵa jaıǵasty. Qazaqstannyń da osynsha upaıy bar. Biraq, kárister jeke kezdesýdegi jeńistiń arqasynda bir saty joǵary tur.
