Hokkeıden Qazaqstan quramasy Avstrııamen joldastyq kezdesýde ekinshi jeńiske jetti
ASTANA. 7 sáýir. QazAqparat - Hokkeıden Qazaqstan quramasy álem chempıonaty qarsańynda ótken Avstrııa komandasymen joldastyq kezdesýde ekinshi jeńiske jetti, dep habarlady Vesti.kz.
Vladımır Krıkýnov basqaratyn bizidń hokkeıshiler birinshi oıyn sııaqty, ekinshisin de belsendilikpen bastap, alǵashqy bolyp esep ashty. Z-shi mınýtte avstrııalyqtardyń qaqpasyna shaıbany Vadım Krasnoslobodtsev túsirdi, oǵan Maksım Semenov pen Talǵat Jaılaýov kómektesti.
27-mınýtte Fedor Polışýk Jaılaýovtyń bergen shaıbasymen qazaqstandyq quramanyń artyqshylyǵyn eseledi. Degenmen ekinshi kezeńniń aıaqtalýyna bir mınýt qalǵanda qarsylastar tarapynan Gregor Baýmgartner bir shaıba salyp úlgirdi. Úshinshi kezeńde eki komanda da esepti ózgerte almady, sonymen esep 2:1 bolyp, qazaqstandyqtardyń jeńisimen aıaqtaldy.
Hokkeı. Joldastyq match.
Avstrııa - Qazaqstan - 1:2 (0:1, 1:1, 0:0).
