Hokkeıden Qazaqstan quramasy ÁCh qorytyndy matchynda Danııadan utylyp qaldy
ASTANA. QazAqparat - Máskeýde hokkeıden álem chempıonatynyń toptyq raýndynyń qorytyndy matchynda Qazaqstan quramasy 1:4 esebimen Danııaǵa jol berdi.
Oıynnyń alǵashqy kezeńi datchandardyń joıqyn shabýylymen bastaldy. 8-mınýttiń ózinde qazaqstandyq qaqpaǵa shaıba túsirgen Markýs Laýrıdsen erekshe kózge tústi. Bizdiń golkıper Pavel Polýektov oǵan eshqandaı qaırat jasaı almady - 0:1. Alǵashqy besmınýttik sońyna deıin Danııa quramasy 0:3 esebimen artyqshylyǵyn ulǵaıtty, shaıbany túsirgender ıAnnık Hansen men Nıklas Iensen.
Oıynnyń ekinshi kezeńinde Naıdjel Doýs Brendon Bochenskıdiń óz aımaǵynan tamasha berýimen qaqpashymen jekpe-jek kelip, shaıbany qaqpaǵa ótkizdi - 1:3.
Budan 6 mınýttan keıin datchandar esep aıyrmashylyǵyn ulǵaıddy.
Nıkolaı Elers sol qanattan manevr jasap, dál soqqymen shaıbany qazaqstandyq qaqpaǵa baǵyttady - 1:4.
Qorytyndy kezeńde datchandar artyqshylyqty ulǵaıtpaqshy bolǵanymen, qazaqstandyqtar buǵan jol bermedi.
Budan buryn Latvııa komandasynan utylǵan Andreı Nazarovtyń jigitteri TOP-dıvızıonmen qosh aıtysty.
Odan buryn Qazaqstan irikteý tobynda Reseı (4:6) men Norvegııadan (2:4), Shvetsııa (3:7) men Chehııadan (1:3). utylǵan bolatyn. Bizdiń komanda Shveıtsarııaǵa qarsy alǵashqy matchynda býllıtter boıynsha 3:2 esebimen jeńiske jetýiniń arqasynda ǵana birden-bir eki upaıdy mise tutty.
Qazaqstandyq qurama osymen tórtinshi ret joǵary dıvızınnan tórtinshi ret ushyp ketti: 2010, 2012 jáne 2014 jyldary da qazaqstandyq komanda óz tobynda kósh sońynda qalyp, mártebesi tómen dıvızıonǵa aýysqan bolatyn.
