Hokkeıden Qazaqstan quramasy ÁCh qarsańynda Mınskide alǵashqy jattyǵýyn ótkizdi
ASTANA. QazAqparat - Hokkeıden Qazaqstan quramasy Mınskide mamyrdyń 9-y men 25-i aralyǵynda ótetin Álem chempıonaty qarsańynda alǵashqy jattyǵýyn ótkizdi, dep habarlaıdy Qazaqstan shaıbaly hokkeı federatsııasynyń baspasóz qyzmeti.
Búgin komandanyń bas bapkeri Arı-Pekkı Selın álem birinshiliginde oınaıtyn komanda quramyn jarııalaıdy dep kútilýde.
Esterińizge sala keteıik, komanda Frantsııada ótken oqý-jattyǵý jıynynyń ekinshi kezeńin aıaqtaǵan soń Belarýs jerine ushyp kelgen. Osy jıyn barysynda qurama kapıtany bolyp Nıkolaı Antropov taǵaıyndaldy. Aıta keteıik, Qazaqstan komandasy toptyq kezeńde Fınlıandııa, Rossııa, AQSh, Shveıtsarııa, Germanııa, Latvııa jáne Belarýs Respýblıkasynyń komandalarymen baq synasady.
