Hokkeıden Qazaqstan quramasy Slovenııadan jeńilip qaldy

ASTANA. KAZINFORM - Shaıbaly hokkeıden Qazaqstan quramasy 2025 jylǵy álem chempıonaty aldynda Slovenııamen joldastyq kezdesý ótkizdi.

Bul oıyn Shvetsııanyń Ýppsale qalasynda boldy. Kezdesý Slovenııa quramasynyń 3:2 esebimen sensatsııalyq jeńisimen aıaqtaldy.

Match barysynda qazaqstandyq hokkeıshiler 2:0 esebimen alda turǵan edi. El quramasynan Kırıll Panıýkov (21-mınýt) jáne Arkadıı Shestakov (31-mınýt) mergendik tanytty.

Odan keıin slovenııalyq hokkeıshiler qatarynan úsh shaıba soǵyp ketti. Bul goldardy Fılıp Sıtar (37-mınýt), Matıch Torok (44-mınýt) jáne Rok Kapel (53-mınýt) óziniń enshisine jazdy.

Eki qurama buǵan deıin bes márte kezdesti. Onyń úsheýinde qazaqstandyq hokkeıshiler jeńiske jetse, ekeýinde slovenııalyq qurama basym boldy.

Endi otandastarymyz 7 mamyrda Danııanyń Hernıng qalasyna jetedi. Onda V tobynda synǵa túsedi. Qarsylastary - Fınlıandııa, Chehııa, AQSh, Germanııa, Danııa, Norvegııa jáne Majarstan. 

El quramasy 10 mamyrda alǵashqy oıynyn saǵat 15:20-da Norvegııaǵa qarsy ótkizedi.

Slovenııa quramasy Shvetsııanyń Stokgolm qalasynda A tobynda Kanada, Shvetsııa, Shveıtsarııa, Slovakııa, Latvııa, Avstrııa, Frantsııamen sheberlik baıqasady.

Eske salsaq, budan buryn 2025 jylǵy álem chempıonatyndaǵy Qazaqstan quramasynyń oıyn kestesi belgili boldy.