Hokkeıden Qazaqstan quramasy álem chempıonatyna qatysatyn quramyn jarııalady

ASTANA. KAZINFORM - Qazaqstan quramasynyń bapkerler quramy álem chempıonatyna baratyn hokkeıshiler tizimin jarııalady. Jahandyq doda 10 jáne 26 mamyr aralyǵynda Chehııada ótedi. 

Qazaqstan quramasy V tobynda Frantsııa, Slovakııa, Latvııa, Shvetsııa, Germanııa, AQSh jáne Polshamen synǵa túsedi.

Búgin, 5 mamyrda ulttyq qurama Chehııa astanasy Praga qalasynda bolady. Onda Ulybrıtanııamen joldastyq kezdesý ótkizedi. 

Ulttyq qurama tizimi tómendegideı:

Qaqpashylar: Nıkıta Boıarkın, Andreı Shýtov (ekeýi - «Barys»), Sergeı Kýdrıavtsev («Arlan»);

Qorǵaýshylar: Dmıtrıı Breýs («Torpedo»), Samat Danııar, Ádil Beketaev, Tamırlan Gaıtamırov (barlyǵy - «Barys») Artem Korolev, Mádı Dıhanbek (ekeýi - «Nomad»), Leonıd Metalnıkov («Admıral», Reseı), Valerıı Orehov («Metallýrg», Reseı);

Shabýylshylar: Álıhan Ásetov, Batyrlan Muratov, Maksım Mýsorov, Álıhan Ómirbekov, Roman Starchenko, Mıhaıl Rahmanov, Evgenıı Rymarev, Kırıll Savıtskıı, Arkadıı Shestakov (barlyǵy - «Barys»), Oleg Boıko («Nomad»), Dmıtrıı Grents («Arlan»), Nıkıta Mıhaılıs, Maksım Mýhametov (ekeýi - «Metallýrg», Reseı), Kırıll Panıýkov («Amýr», Reseı);

Qazaqstandyq hokkeıshiler 2021 jyldan beri elıtalyq dıvızıonda oıyn kórsetip keledi.

El quramasy 10 sáýirden bastap elordada ótetin elıtalyq dıvızıondaǵy álem chempıonatyna daıyndyqqa kirisken bolatyn. Oqý-jattyǵý jıynyna sheteldik jáne otandyq klýbtarda oıyn kórsetetin hokkeıshiler shaqyrý alǵan.

Alǵashqy oıynyn Qazaqstan quramasy 11 mamyrda Frantsııa quramasyna qarsy ótkizedi.

Eske salsaq, ulttyq qurama elordada ótken Qazaqstan Hockey Open týrnırinde Reseıge 0:1, Belarýske overtaımda 4:5 esebimen jeńildi.