Hokkeıden Qazaqstan quramasy álem chempıonatyna daıyndyǵyn jalǵastyryp jatyr

ASTANA. KAZINFORM - Shaıbaly hokkeıden Qazaqstan ulttyq quramasy Astanada Danııa men Shvetsııada ótetin álem chempıonatyna daıyndyǵyn odan ári jalǵastyrdy

Oqý-jattyǵý jıyny aıasynda qurama ekige bólinip, joldastyq kezdesý ótkizdi. Oıyn barysynda aq jáne kók tústi jeıdemen oıyn kórsetti. 

Aq jeıdeli komanda quramynda qaqpashy Kýdrıavtsev, oıynshylar: Beketaev, Danııar, Panıýkov, Lıhotnıkov, Ásetov, Breýs, Gaıtamırov, Rymarev, Ómirbekov, Savıtskıı, Júsipbekov, Dıhanbek, Tıýtıýnkov,Lıapýnov, Sımonov, Svoevolın muzaıdynǵa shyqty.

Al kók jeıdeli komanda quramynda Ámirbekov qaqpany kúzetse, Orehov, Metalnıkov, Mıhaılıs, Shestakov, Volkov, Aleksandrov, Mıhaılov, Qaıyrjan, Muhametov, Muratov, Korolev, Orazov, Ospanov, Chaporov, Kolesnıkov synǵa tústi.

Negizgi kezeń 1:1 esebimen teń aıaqtaldy. Oıyn sońyndaǵy býllıtten aq jeıdeliler jeńiske jetti. 

Álem chempıonaty 9-25 mamyr aralyǵynda Shvetsııa men Danııada ótedi. Qazaqstandyq hokkeıshiler V tobynda synǵa túsedi. Qarsylastary - Norvegııa, Danııa, Germanııa, Vengrııa, Chehııa, Shveıtsarııa jáne AQSh.