Hokkeıden Qazaqstan quramasy álem chempıonatyna daıyndyǵyn bastady

ASTANA. KAZINFORM - Shaıbaly hokkeıden Qazaqstan quramasy Astana qalasynda álem chempıonatyna daıyndyǵyn bastap ketti.

Oqý-jattyǵý jıynyna ázirge barlyq hokkeıshi jınalǵan joq. Keńeıtilgen tizimge ulttyq quramanyń jetekshi oıynshysy Roman Starchenko engizilgen edi. 

Bas bapker Oleg Bolıakınniń aıtýynsha, Roman otadan keıin qalpyna kelý protsesinen ótip jatyr. 25-26 sáýirde ulttyq quramaǵa qosylady dep kútilýde. Ol álem chempıonatyna barýdy josparlap otyr.

Sondaı-aq Aleksandr Borısevıchte arqasynda jaraqatqa baılanysty problema bar. ıAn Tıýtıýnkovtan da jaraqat baıqalǵan. 

Oqý-jattyǵý jıynyna quramaǵa shaqyrylǵan hokkeıshiniń barlyǵy derlik jınaldy. Degenmen «Barys» sapynan Álıhan Ásetov, Batyrlan Muratov, Maksım Muhametovtiń jaraqaty bar ekeni anyqtalǵan. 

Álem chempıonaty 9-25 mamyr aralyǵynda Shvetsııa men Danııada ótedi. Qazaqstandyq hokkeıshiler V tobynda synǵa túsedi. Qarsylastary - Norvegııa, Danııa, Germanııa, Vengrııa, Chehııa, Shveıtsarııa jáne AQSh.

Eske salsaq, budan buryn hokkeıden Qazaqstan quramasynyń keńeıtilgen tizimi jarııalandy.