Hokkeıden Qazaqstan quramasy 1 mamyrda Astanada bastalatyn halyqaralyq týrnırge qatysady
ASTANA. KAZINFORM - Shaıbaly hokkeıden Qazaqstan ulttyq quramasy erteń, 1 mamyrda Astana qalasynda bastalatyn halyqaralyq Qazaqstan Hockey Open týrnırine qatysady.
Bul jóninde Qazaqstan hokkeı federatsııasy málim etti.
Halyqaralyq týrnırge elimizdiń quramasynan ózge Belarýs pen Reseı keledi. Qatysýshylar toptyq júıe boıynsha saıysqa túsedi. Kóp upaı jınaǵan qurama týrnırdiń jeńimpazy atanady.
Oıyndar kestesi:
- 1 mamyr. 17:00. Qazaqstan - Reseı
- 2 mamyr. 18:00. Reseı - Belarýs
- 3 mamyr. 17:00. Qazaqstan - Belarýs.
Bul ulttyq quramanyń 2025 jylǵy álem chempıonaty aldyndaǵy daıyndyǵy aıasynda ótkiziledi.
Qazaqstandyq hokkeıshiler V tobynda oınaıdy. Qarsylastary - Fınlıandııa, Chehııa, AQSh, Germanııa, Danııa, Norvegııa jáne Vengrııa.
Oıyndar Danııanyń Hernıng qalasynda bolady.
Al Shvetsııanyń Stokgolm qalasynda bolatyn A tobynda Kanada, Shvetsııa, Shveıtsarııa, Slovakııa, Latvııa, Avstrııa, Frantsııa jáne Slovenııa sheberlik baıqasady.
Eske salsaq, budan buryn shaıbaly hokkeıden Qazaqstan ulttyq quramasy Astanada Danııa men Shvetsııada ótetin álem chempıonatyna daıyndyǵyn odan ári jalǵastyryp jatqanyn habarlaǵan edik.