Hokkeıden Qazaqstan qyzdar quramasy búgin álem chempıonatynda Ońtústik Koreıamen oınaıdy
ASTANA.KAZINFORM - Shaıbaly hokkeıden Qazaqstan 18 jasqa deıingi qyzdar quramasy IIA dıvızıonynda ótip jatqan álem chempıonatyndaǵy besinshi oıynyn Ońtústik Koreıaǵa qarsy ótkizedi.
Bul oıyn Qazaqstan ýaqytymen 18:30-da bastalady.
Qazirge deıin qazaqstandyq hokkeıshiler Jańa Zelandııa (13:2), Latvııa (9:1), Túrkııa (5:1), Nıderland (7:0) quramalaryn qapy qaldyrdy.
Al Ońtústik Koreıa quramasy Túrkııa (2:0), Jańa Zelandııa (10:0), Nıderland (5:0), Latvııa (3:2) quramalarynan basym tústi.
Alǵashqy tórt týrdan keıin otandastarymyz 12 upaımen kósh bastap tursa, Ońtústik Koreıa 11 upaımen ekinshi orynda tur.
Sondaı-aq týrnır kestesinde Latvııa 7 upaımen úshinshi, Túrkııa men Nıderland 3 upaımen tórtinshi jáne besinshi orynǵa jaıǵasqan. Ázirge Jańa Zelandııanyń qorjyny bos.
Eki qurama qazirge deıin bir márte ózara kezdesti. 2019 jyly ótken oıynda Qazaqstan bul qarsylasyna 3:4 esebimen ese jibergen edi.
Atalǵan topta búgin Nıderland pen Jańa Zelandııa, Latvııa men Túrkııa quramalary sheberlik baıqasady.
Bul toptan birinshi oryn alǵan qurama ІV tobyna joldama alsa, sońǵy oryndy mise tutqany ІІV tobyna túsip qalady.
Osyǵan deıin Nadejda Morozovanyń konkımen júgirýden Germanııadaǵy Álem kýbogy kezeńinde úzdik bestikke engeni týraly jazdyq.
