Hokkeıden Qazaqstan qyzdar quramasy álem chempıonatynda úshinshi oıynyn ótkizedi

ASTANA.KAZINFORM - Shaıbaly hokkeıden Qazaqstan 18 jasqa deıingi qyzdar quramasy IIA dıvızıonynda ótip jatqan álem chempıonatyndaǵy úshinshi oıynyn Túrkııaǵa qarsy ótkizedi.

Bul oıyn Qazaqstan ýaqytymen 22:00-de bastalady.

Qazirge deıin qazaqstandyq hokkeıshiler Jańa Zelandııa (13:2) men Latvııa (9:1) quramalaryn qapy qaldyrdy.

Al Túrkııa quramasy Nıderlandqa (0:3) ese jiberip, odan keıin Jańa Zelandııany (3:1) esebimen jeńdi.

Alǵashqy eki týrdan keıin otandastarymyz 6 upaımen kósh bastap tursa, Túrkııa 3 upaımen úshinshi orynda tur.

Sondaı-aq týrnır kestesinde Ońtústik Koreıa 5 upaımen ekinshi, Nıderland 3 upaımen tórtinshi, Latvııa 1 upaımen besinshi orynǵa jaıǵasqan. Ázirge Jańa Zelandııanyń qorjyny bos.

Eki qurama qazirge deıin úsh márte kezdesti. Barlyǵynda qazaqstandyq hokkeıshiler basymdyq tanytty. Aldymen 2018 jyly otandastarymyz olardy 14:1 esebimen tize búktirse, 2019 jyly 15:0, 2024 jyly 6:0 esebimen orta jolda qaldyrdy.

Endi otandastarymyz 23 qańtarda Nıderland, 25 qańtarda Ońtústik Koreıamen oınaıdy.

Bul toptan birinshi oryn alǵan qurama ІV tobyna joldama alsa, sońǵy oryndy mise tutqany ІІV tobyna túsip qalady.