Hokkeıden Qazaqstan qyzdar quramasy álem chempıonatynda tórtinshi jeńisine jetti

ASTANA.KAZINFORM — Shaıbaly hokkeıden Qazaqstan 18 jasqa deıingi qyzdar quramasy IIA dıvızıonynda ótip jatqan álem chempıonatyndaǵy tórtinshi oıynyn Nıderlandqa qarsy ótkizdi.

Kezdesý barysynda qazaqstandyq hokkeıshiler senimdi oıyn kórsetti. Birinshi kezeńde qarsylas qaqpasyna jaýapsyz tórt shaıba soqsa, ekinshi kezeńde taǵy eki márte qaqpany dál kózdedi.

Sheshýshi kezeńde otandastarymyz Nıderland qaqpasyna bir gol soǵyp ketti.

Osylaısha olar qarsylasynan 7:0 esebimen basym tústi.

Nıderland — Qazaqstan 0:7 (0:4, 0:2, 0:1)
0:1 — Kýklına (Mýraveva, Nıgmatýlına) — 05:18
0:2 — Novıkova (Shýklına) — 05:46
0:3 — Shýklına (Novıkova) — 12:26
0:4 — Novıkova (Shýklına) — 17:03
0:5 — Mýraveva (Nıgmatýlına, Kýklına) — 24:46
0:6 — Novıkova (Mýraveva, Kýklına) — 33:44
0:7 — Novıkova (Shýklına) — 45:58
Qaqpashylar: Van Engelen (Prenen, 30:04) — ıAkovleva

Qazirge deıin qazaqstandyq hokkeıshiler Jańa Zelandııa (13:2), Latvııa (9:1), Túrkııa (5:1) quramalaryn qapy qaldyrdy.

Tórt oıynnan keıin Qazaqstan quramasy 12 upaımen birinshi orynda keledi.

Endi otandastarymyz budan keıin 25 qańtarda Ońtústik Koreıamen oınaıdy.

Bul toptan birinshi oryn alǵan qurama ІV tobyna joldama alsa, sońǵy oryndy mise tutqany ІІV tobyna túsip qalady.