Hokkeıden Qazaqstan qyzdar quramasy álem chempıonatynda Nıderlandpen oınaıdy

ASTANA.KAZINFORM - Shaıbaly hokkeıden Qazaqstan 18 jasqa deıingi qyzdar quramasy IIA dıvızıonynda ótip jatqan álem chempıonatyndaǵy tórtinshi oıynyn Nıderlandqa qarsy ótkizedi.

Bul oıyn Qazaqstan ýaqytymen 18:30-da bastalady.

Qazirge deıin qazaqstandyq hokkeıshiler Jańa Zelandııa (13:2), Latvııa (9:1), Túrkııa (5:1) quramalaryn qapy qaldyrdy.

Al Nıderland quramasy Túrkııany (3:0) jeńse, odan keıin Ońtústik Koreıa (0:5) jáne Latvııaǵa (3:4) ese jiberdi.

Alǵashqy úsh týrdan keıin otandastarymyz 9 upaımen kósh bastap tursa, Nıderland 3 upaımen tórtinshi orynda tur.

Sondaı-aq týrnır kestesinde Ońtústik Koreıa 8 upaımen ekinshi, Latvııa 4 upaımen úshinshi, Nıderland 3 upaımen besinshi orynǵa jaıǵasqan. Ázirge Jańa Zelandııanyń qorjyny bos.

Eki qurama qazirge deıin bes márte ózara kezdesti. Olardyń tórteýinde nıderlandtyq hokkeıshiler jeńiske jetse, bireýinde otandastarymyz alda boldy.

Endi otandastarymyz budan keıin 25 qańtarda Ońtústik Koreıamen oınaıdy.

Bul toptan birinshi oryn alǵan qurama ІV tobyna joldama alsa, sońǵy oryndy mise tutqany ІІV tobyna túsip qalady.