Hokkeıden Qazaqstan erler quramasy alǵashqy jeńisine qol jetkizdi

ASTANA.KAZINFORM - Qytaıdyń Harbın qalasynda IX qysqy Azııa oıyndarynyń erler arasynda shaıbaly hokkeıden toptyq kezeńiniń alǵashqy oıyndary bastaldy. Qazaqstan quramasy A tobyndaǵy alǵashqy oıynda Taılandpen kezdesti.

1-kezeńde, otandastarymyz oıyn tizginin birden qolǵa alyp, qarsylas qaqpasyna 4 gol soqty. 

2-kezeńde, Taıland quramasy qorǵanysty kúsheıtip, qazaqstandyqtar tek 2 gol ǵana soqty.

Sońǵy kezeńde, Qazaqstan quramasy aradaǵy esepti ulǵaıta tústi. Hokkeıshilerimiz qarsylas qaqpasyna taǵy 6 gol soǵyp, qorytyndy esep 12:0 boldy.

Ádil Beketaev jáne Artem Korolev 2 goldan soqsa, Alıhan Ómirbekov, Roman Starchenko, Evgenıı Rymarev, Andreı Býıalskıı, Vıacheslav Kolesnıkov jáne Rýslan Ospanov mergendigimen kózge tústi.

Aıta keteıik, IX qysqy Azııa oıyndary 2025 jyldyń 7-14 aqpan aralyǵynda Qytaı Halyq Respýblıkasy Heılýntszıan provıntsııasynyń Harbın qalasynda ótedi. Sportshylar 11 sport túri boıynsha 64 medal jıyntyǵyn sarapqa salady. 

Eske salsaq, hokkeıden Qazaqstan áıelder quramasy keshe V tobyndaǵy alǵashqy oıynda Gonkongty 12:0 esebimen oısyrata jeńdi.