Hokkeıden Qazaqstan chempıonatyna alǵash ret sheteldik klýb qosylady
NUR-SULTAN. QazAqparat – Ózbekstan Hokkeı federatsııasy 2019-2020 maýsymynda «Sherdor» (Sherdor) samarqandtyq klýbtyń Qazaqstan Respýblıkasy ashyq chempıonatyna (QRACh) qatysýǵa ótinish berdi, dep habarlaıdy SPORTINFORM QHF baspasóz qyzmetine silteme jasap.
Taıaý ýaqytta QHF pen ÓHF eki eldiń hokkeı uıymdary arasynda kelisim jasaý jáne Samarqand komandasyn QRACh qatysýshylar quramyna qosý máselelerin talqylaý úshin birqatar kezdesýler ótkizedi. Alǵashqy sheteldik komandanyń óner kórsetýine qatysty chempıonattyń erejesine ózgerister enedi.
Sondaı-aq, Qazaqstan hokkeı federatsııasynyń ókilderi «Sherdor» arenasyna ınspektsııa júrgizedi. Ózbekstandyq áriptesterdiń aıtýynsha, «Samarqan Arena» 2019 jyldyń qyrkúıeginde paıdalanýǵa beriledi.
