Hokkeıden Qazaqstan chempıonaty: Almatylyqtar «Astana» komandasyn oısyrata utty
ASTANA. QazAqparat - Almatyda Halyk Arena muz aıdynynda erler arasyndaǵy shaıbaly hokkeıden Qazaqstan chempıonatynyń ekinshi kezeńiniń kezekti oıyndary ótti, dep habarlaıdy qalalyq ákimdiktiń baspasóz qyzmeti.
Almaty xokkeı klýby óz alańynda elordalyq «Astana» komandasymen eki match ótkizip 12:1 jáne 7:0 esepterimen utty. Birinshi kúni ótken oıynda almatylyqtardyń sapynan Tsırýlev 29-shy sekýndta esep ashty. Odan soń Spırıdonov, Kaznacheev, Mazýnın, Borısenkov, Smoılov esepti eseledi. Evgrafov, Rahmanov, ıAdryshnıkovtyń qos goldan salyp, basymdyqty arttyrdy. Al, qonaqtardyń atynan jalǵyz shaıbany Hrestıanovskıı saldy.
Ekinshi kezdesýde de alań qojaıyndary qarsylastarynan basym boldy. Kaznacheev, Evgrafov, Sherstıýkov, Abramochkın, ıAdryshnıkov, Rahmanov, Aldamjarov syndy oıynshylardyń soqqylary qaqpaǵa dál tıip, esep 7:0 boldy.
«Barlyq oıyndar biz úshin mańyzdy, sebebi osylar arqyly biz pleı-offqa daıyndalýdamyz. Qarsylastarymyz jaqsy boldy, tájirıbeli ári jas oıynshylar ekeni kórinip tur. Bizde birneshe gol salatyn múmkindikter boldy, biraq paıdalana almadyq», - dedi «Almaty» oıynshysy Nıkıta Tsırýlev.
Aıta ketý kerek, 18-19 qańtar kúnderi almatylyqtar «Temirtaý» komandasyna qonaqqa baryp, al 23-24 qańtarda óz alańdarynda «Qulagerdi» qabyldamaq.
