Hokkeıden Qazaqstan chempıonatynyń jartylaı fınalyna shyqqan komandalar anyqtaldy

ASTANA. KAZINFORM - Shaıbaly hokkeıden Qazaqstan chempıonaty pleı-off satysyna joldama alǵan barlyq komanda belgili boldy.

Mundaı múmkindikke kókshetaýlyq «Arlan», óskemendik «Torpedo», qaraǵandylyq «Saryarqa» jáne ózbekstandyq «Hýmo» komandalary ıe boldy.

Endi pleı-off satysynda «Arlan» men «Saryarqa», «Torpedo» men «Hýmo» klýbtary oınaıdy. Jarysty jalǵastyratyn ujym bir komandanyń tórt jeńisine deıin jalǵasady. Alǵashqy oıyn 13 naýryz kúni ótedi.

Qazirge deıin «Torpedo» 13 márte jeńimpaz atansa, odan keıingi oryndarda «Beıbarys» (Atyraý) - 4, «Ertis» (Pavlodar), «Saryarqa» -3, «Barys» (Astana), «Nomad» (Astana), «Arlan» (Kókshetaý) - 2, «Qazaqmys» (Sátpaev), «Bolat» (Temirtaý) - 1 márte bas júldege ıe boldy.

Eske salsaq, budan buryn qazaqstandyq «Barys» komandasy Qurlyqtyq hokkeı lıgasyndaǵy kezekti oıynynda elordada Reseıdiń TsSKA (Máskeý) komandasyna ese jiberdi.