Hokkeıden Qazaqstan chempıonaty fınalynda qaı komandalar kezdesedi

ASTANA. KAZINFORM - Shaıbaly hokkeıden Qazaqstan chempıonaty pleı-off satysynyń fınaly men úshinshi oryn saıysta qaı komandalardyń synǵa túsetini belgili boldy.

Bıyl bas júldeni Kókshetaýdyń «Arlan» jáne astanalyq «Nomad» klýbtary sarapqa salady. Alǵashqy oıyn 6 sáýirge josparlanǵan. Bul kezdesý Kókshetaý qalasynda bolady. Fınal eki klýbtyń biriniń tórt jeńisine deıin sozylady.

Al qola júldege «Aqtóbe» jáne qaraǵandylyq «Saryarqa» klýbtary talasady. Alǵashqy kezdesý Aqtóbe qalasynda 5 sáýirde ótkiziledi dep josparlanyp otyr. Komandalar eki komandanyń biriniń úsh jeńisine deıin jalǵasady.

Eske salsaq, Qazaqstan áıelder quramasy 7-13 sáýir aralyǵynda shaıbaly hokkeıden ekinshi dıvızıonnyń A tobynda oıyndar ótkizedi.

Qazaqstandyq hokkeıshiler birinshi dıvızıonǵa beriletin jalǵyz joldamany Belgııa, Ispanııa, Islandııa, Taıpeı jáne Meksıka quramalarymen sheberlik baıqasady.

Qazaqstandyq hokkeıshiler byltyr Ońtústik Koreıanyń Sývon qalasynda birinshi dıvızıonnyń V tobynda synǵa tústi.