Hokkeıden Qazaqstan birinshiliginde «Torpedo» sáttilik serııasyn jalǵastyra ma

ASTANA. KAZINFORM — Búgin shaıbaly hokkeıden Qazaqstan birinshiliginde kezekti oıyn kúni ótedi.

Bul kúni «Gornıak» (Rýdnyı) pen «Torpedo» (Óskemen), «Qulager» (Petropavl) men «Beıbarys» (Atyraý), «Nomad» (Astana) men «Arlan» (Kókshetaý), «Almaty» men «Ertis» (Pavlodar), «Saryarqa» (Qaraǵandy) men «Aqtóbe» kezdesedi.

Shaıbaly hokkeıden Qazaqstan birinshiligi 1992 jyldan beri turaqty ótkizilip keledi. Qazirge deıin «Torpedo» — 13, «Beıbarys» — 4, «Ertis», «Saryarqa», «Arlan» — 3, «Barys», «Nomad» — 2, «Qazaqmys» (Sátpaev) pen «Bolat» (Temirtaý) — 1 márte chempıon atandy.
Ótken maýsymda «Arlan» jeńis tuǵyryna kóterildi.

Qazir týrnır kestesinde «Torpedo» men «Nomad» 7 upaımen alǵashqy eki oryndy ózara bólisip tur.

Aıta ketsek, bıyl «Torpedo» shaıbaly hokkeıden 2025 jylǵy Qazaqstan kýbogynyń ıegeri atandy.

Toptyq kezeńde komandalar Óskemen jáne Qaraǵandy qalalarynda sheberlik baıqasty. Toptyq kezeńnen keıin jartylaı fınal oıyndary jalǵasty. Onda topta birinshi oryn alǵan komandalar ekinshi toptaǵy ekinshi oryndaǵy ujymdarmen fınal joldamasyn sarapqa saldy. Sheshýshi oıyndar Qaraǵandy qalasynda ótti.