Hokkeıden Qazaqstan áıelder quramasy Qytaımen kezdesedi
NUR-SULTAN. QazAqparat - Búgin, 12 sáýirde shaıbaly hokkeıden áıelder arasynda álem chempıonatynda Qazaqstan quramasy Qytaımen kezdesedi, dep habarlaıdy QazAqparat tilshisi.
Aıta ketsek, álem chempıonatynda barlyǵy alty qurama baq synaýda. Qazaqstandyq hokkeıshiler Qytaı, Polsha, Italııa, Slovenııa jáne Ońtústik Koreıamen sheberlik baıqasýda.
Qazirge deıin qazaqstandyq qyzdar úsh oıyn ótkizdi. Olar Polshadan 1:3, Italııadan 0:1 esebimen jeńilse, Ońtústik Koreıany 5:1 esebimen tize búktirdi.
Týrnır kestesinde qazaqstandyq hokkeıshiler úsh upaımen úshinshi orynda keledi. Dál osyndaı upaıdy Italııa jáne Slovenııa quramalary enshilegen.
Kósh basyndaǵy Qytaıdyń toǵyz upaıy bolsa, Polshanyń enshisinde jeti upaıy bar. Sońǵy orynda bir upaımen Ońtústik Koreıa keledi.
Endi Qazaqstan qyzdary 12 sáýirde Qytaımen, 14 sáýirde Slovenııamen sheberlik baıqasady.
Eske salsaq, Hokkeıden Qazaqstan quramasy álem chempıonatyna daıyndyǵyn 17 sáýirde bastaıdy .
