Hokkeıden Qazaqstan áıelder quramasy Azııa oıyndarynyń kúmis júldesine ıe boldy
HARBIN. KAZINFORM – Hokkeıden Qazaqstan qyzdar quramasy resmı túrde Harbın qalasynda ótip jatqan ІH qysqy Azııa oıyndarynyń kúmis júldesin ıelendi.
A tobyndaǵy ekinshi kezdesýde Japonııa men men Qytaı quramalary kim myqtyny anyqtady.
Matchtyń basty favorıti sanalǵan japonııalyqtar 8:1 esebimen jeńiske jetip, qysqy Azııa oıyndarynyń altyn medalin moıyndaryna taqty. Al A tobynda eki oıynda jeńiske jetken Qazaqstan áıelder quramasy kúmis júldege qol jetkizdi.
Tórt oıynnyń bireýinde jeńiske jetken Qytaı quramasy qola medaldi qanaǵat tutty.
Osyǵan deıin habarlaǵanymyzdaı, Qazaqstan quramasy A tobynyń sońǵy matchynda Ońtústik Koreıany 3:0 esebimen jeńdi.
Aıta keteıik, qyzdarymyz A tobyndaǵy alǵashqy oıynda Japonııaǵa 0:4 esebimen jol bergen bolatyn. Al Qytaı quramasyna qarsy oıynda qazaqstandyqtar 2:1 esebimen jeńiske jetti.