Hokkeıden Qazaqstan áıelder quramasy Azııa chempıonatynda Japonııadan jeńildi
ASTANA. KAZINFORM - Shaıbaly hokkeıden Qazaqstan áıelder quramasy 2026 jylǵy Azııa chempıonatynda alǵashqy oıynyn Japonııaǵa qarsy ótkizdi.
Kezdesý barysynda japonııalyq hokkeıshiler belsendi oıyn kórsetti. Birinshi jáne úshinshi kezeńde olar eki-ekiden shaıba soqty. Ekinshi kezeńde qarsylastar bir-biriniń qaqpasynan asńylaý taba alǵan joq.
Osylaısha otandastarymyz qarsylasyna 0:4 esebimen ese jiberdi.
Qazaqstan - Japonııa 0:4 (0:2, 0:0, 0:2)
0:1 - K. Sato (ıA. Vadzıma, A. Sıga), 00:23
0:2 - N. Sone (H. Lak, H. ıAmasıta), 02:12
0:3 - ıA. Vadzıma (A. Sıga), 03:58
0:4 - H. ıAmasıta (N. Sone, H. Lak), 06:33
Qurlyqtyq doda 15-18 qazan aarlyǵynda Japonııanyń Sapporo qalasynda ótedi. Onda otandastarymyz Qytaı, Ońtústik Koreıa jáne Japonııamen sheberlik baıqasady.
Halyqaralyq hokkeı reıtınginde Jaonııa quramasy segizinshi orynda tur. Al Qytaı 14, Ońtústik Koreıa 18, Qazaqstan 22 orynǵa jaıǵasqan.
Azııa chempıonaty bıyl úshinshi márte jalaýyn kóteredi. Byltyr Óskemen qalasynda ótken jarysta Qazaqstan qola júldeger atanǵan edi. Sondaı-aq olar 2024 jyly Qytaı astanasy Beıjiń qalasynda da dál osyndaı jetistikke jetken edi.
