Hokkeıden fın komandasynyń jattyqtyrýshysy jeńip alǵan Kýbogyn súze qulady
ASTANA. 18 mamyr. QazAqparat - Álem chempıonaty ótken Bratıslavtan otanyna oralǵan fınderdiń hokkeı komandasy jankúıerleriniń esinde uzaq ýaqyt saqtalyp qalatyndaı.
Ushaqtan táltirektep túsken boıda qaqpashylardyń jattyqtyrýshysy chempıonatta jeńip alynǵan Kýbokqa umtyldy, dep habarlaıdy REN.TV.
Pası Nýrmınen aşy sýǵa laınerdiń ishinde-aq toıyp alǵan bolsa kerek. Qasyndaǵy joldasynyń kómegimen satymen túsip kele jatyp, ol Kýbokta ala almaı júrgen óshi bardaı, ony basymen bir soqqan. Nýrmınenniń ózi muny bilýi eki talaı. Alaıda, bul týraly beınematerıaldar qazirdiń ózinde ınternetke salynyp úlgerdi. Kýbokty súzgen fın jattyqtyrýshysynyń basyna ne bolǵany belgisiz, al Kýbokte aıtarlyqtaı iz qaldy. Onyń maıysqan jeri kózge kórinip-aq tur.
