Hokkeıden elimizdiń áıelder quramasyn kanadalyq maman jattyqtyrýy múmkin
ASTANA. QazAqparat - Hokkeıden elimizdiń áıelder quramasyn kanadalyq maman jattyqtyrýy múmkin. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte elimizdiń Mádenıet jáne sport vıtse-mınıstri Sáken Musaıbekov málim etti.
«Bizdiń hokkeıshilerimiz de tabysty óner kórsetýde. Olar І tobynda jeńiske jetip, álemdik hokkeı komandalarynyń úzdik dıvızonyna endi. 2016 jyly olar Máskeýde Álem chempıonatyna qatysatyn bolady», - dedi vıtse-mınıstr.
Sonymen qatar ol Qazaqstannyń hokkeıden áıelder quramasy da jaqsy óner kórsetip, B tobynan A tobyna ótkendigin atap ótti.
«Hokkeıden áıelder quramasymen jumys isteý úshin kanadalyq mamandy shaqyrmaqpyz. Biz sol arqyly bul salanyń deńgeıin kóterýge kúsh salamyz», - degen S.Musaıbekov sheteldik mamanmen áli kelisim jasalmaǵandyqtan aty-jónin jarııa ete almaıtyndyǵyn aıtty.
