Hokkeıden Blınov kýbogy: «Barys» komandasynyń qarsylastary kim

ASTANA. QazAqparat - Shaıbaly hokkeıden qazaqstandyq «Barys» komandasy qatysatyn Reseıdiń Omby qalasyndaǵy Blınov kýbogynyń oıyn kestesi belgili boldy, dep habarlaıdy QazAqparat tilshisi.

Atalǵan týrnır 20-25 tamyz kúnderi ótedi. Dúbirli doda bıyl 29 márte jalaýyn kóteredi.

Týrnır barysynda «Barystan» ózge Reseıdiń «Avangard» (Omby), «Lokomotıv» (ıAroslavl), «Neftehımık» (Nıjnekamsk) jáne «Salavat ıÝlaev» (Ýfa) komandalary baq synaıdy.

Qazaqstandyq komanda 20 tamyzda «Salavat ıÝlaev» klýbymen sheberlik baıqassa, 21 tamyzda «Lokomotıvke» qarsylas atanady.

Al 23 tamyzda «Avangard», 25 tamyzda «Neftehımıkpen» kezdesedi.

Aıta ketsek, «Barys» Qurlyqtyq hokkeı lıgasyndaǵy alǵashqy oıynyn 2 qyrkúıekte «Salavat ıÝlaev» klýbyna qarsy ótkizedi.

Odan keıin 4 qyrkúıekte reseılik taǵy bir komanda «Sıbır» komandasyn qabyldaıdy.