Hokkeıden Birinshi arna kýbogyna qatysatyn Qazaqstan quramasynyń tizimi belgili boldy
ASTANA. QazAqparat - Shaıbaly hokkeıden Qazaqstan quramasynyń Birinshi arna kýbogyna qatysatyn oıynshylar tizimi belgili boldy, dep habarlaıdy QazAqparat tilshisi.
Aıta ketsek, halyqaralyq týrnır 15-18 jeltoqsan aralyǵynda Reseı astanasy Máskeý qalasynda ótedi. Onda qazaqstandyq hokkeıshiler Reseı jáne Belarýs quramasymen synǵa túsedi.
Sondaı-aq, 3h3 júıesi boıynsha týrnırde baq synaıdy.
Qazaqstandyq hokkeıshiler 12 jeltoqsanda Máskeý qalasyna attanady. Qurama sapynda barlyǵy 27 hokkeıshi bar. Onyń 24-i oıynshylar bolsa, 3-i qaqpashy.
Qaqpashylar: Nıkıta Boıarkın («Barys»), ıÝrgıs Dýbınskas («Nomad»), Denıs Karataev («Saryarqa»)
Qorǵaýshylar: Ádil Beketaev, Tamırlan Gaıtamırov, Samat Danııar, Egor Shalapov (barlyǵy - «Barys»), Leonıd Metalnıkov («Admıral»), Alekseı Maklıýkov, Valerıı Orehov (ekeýi - «Metallýrg», Reseı), Emıl Nurǵalıev («Nomad»), Kırıll Polohov («Arlan»)
Shabýylshylar: Álıhan Ásetov, Nıkıta Mıhaılıs, Egor Petýhov, Mıhaıl Rahmanov, Anton Sagadeev, Kırıll Savıtskıı, Ańsar Shaıhmeddenov, Arkadıı Shestakov, Dmıtrıı Shevchenko (barlyǵy - «Barys») Pavel Akolzın («Metallýrg», Reseı), Aleksandr Borısevıch («Saryarqa»), Artem Lıhotnıkov («Arlan»), Maksım Mýhametov («Nomad»), Kırıll Panıýkov («Ak Bars», Reseı), Roman Starchenko («Spartak», Reseı).
Foto: icehockey.kz