Hokkeıden Azııa chempıonatynda Qazaqstan áıelder quramasy Japonııadan oısyraı jeńildi

ASTANA. KAZINFORM - Shaıbaly hokkeıden Azııa chempıonatynda Qazaqstan áıelder quramasy ekinshi oıyn qatarynan iri eseppen jeńildi. 

Qazaqstandyq hokkeıshiler búgin Japonııa quramasymen synǵa tústi. Qarsylas komandanyń quramy álemdegi tájirıbeli oıynshylardan jasaqtalǵan. Olar jyl saıyn álem chempıonatynda top-dıvızıonda sheberligin shyńdap keledi.

Sol sebepti qazaqstandyq hokkeıshiler bul kezdesýde Japonııaǵa laıyqty qaýqar kórsete alǵan joq. Olarǵa 0:8 eesbimen jol berdi. 

Aıta ketsek, budan buryn el quramasy Qytaıǵa 0:5 esebimen ese jibergen edi. 

Qytaı quramasy álem chempıonatynyń birinshi dıvızıonnyń A tobynda synǵa túsip júr. 

Endi el quramasy erteń saǵat 13:00-de Ońtústik Koreıamen kezdesedi. Olar bizdiń quramamen birge birinshi dıvızıonnyń B tobynda oınaıdy.