Hokkeıden áıelder arasyndaǵy Qazaqstan birinshiligi naýryzda bastalady
NUR-SULTAN. QazAqparat - Shaıbaly hokkeıden áıelder arasyndaǵy Qazaqstan birinshiligi naýryz aıynda bastalady, dep habarlaıdy QazAqparat tilshisi ligasy.kz saıtyna silteme jasap.
Onda barlyǵy bes komanda baq synaıdy. Dúbirli dodada Almatynyń «Aısulý», «Juldyz», elordalyq «Tomırıs», óskemendik «Torpedo» jáne Almaty oblysynyń «Barys» komandalary sheberlik baıqasady.
Oıyndar 7 jáne 11 naýryz aralyǵynda Almaty qalasynda bolady. Karantın talabyna baılanysty oıyndy tamashalaýǵa jankúıerler jiberilmeıdi.
Esterińizge sala ketelik, shaıbaly hokkeıden elordadaǵy halyqaralyq týrnırde Qazaqstan jeńimpaz atanǵanyn habarlaǵan edik.
