Hokkeıden Astanada ótetin Álem chempıonatynyń logotıpi tanystyryldy
ASTANA. QazAqparat - Halyqaralyq hokkeı federatsııasy 2019 jyly Qazaqstanda ótetin Álem chempıonatynyń birinshi dıvızıonyndaǵy «A» tobynyń logotıpin tanystyrdy, dep habarlaıdy QazAqparat sports.kz saıtyna silteme jasap.
Aıta keteıik, Qazaqstan alǵash ret eresek komandalar arasynda hokkeıden álem chempıonatyn qabyldaıdy. 2019 jylǵy Álem chempıonaty birinshi dıvızıonyndaǵy «A» tobynyń oıyndaryn ótkizýge Qazaqstanmen birge Slovenııa da ótinish bildirgen bolatyn. Bıylǵy 18 mamyrda daýys berý qorytyndysy jarııalanyp, Qazaqstan jeńiske jetti.
Osylaısha, beldi týrnır keler jyly 29 sáýir men 5 mamyr aralyǵynda Astanada ótedi. Elıtaǵa eki joldama úshin Qazaqstan, Vengrııa, Ońtústik Koreıa, Lıtva, Belarýs jáne Slovenııa baq talastyratyn bolady.
Buǵan deıin Astana men Almaty qalalarynda Qysqy ýnıversıada (2017), Qysqy Azııa oıyndary (2011), jastar arasyndaǵy álem chempıonaty (2003) ótti.
