Hokkeıden álem chempıonatynyń fınalyna shyqqan komandalar belgili boldy

ASTANA. QazAqparat - Shaıbaly hokkeıden 2023 jylǵy álem chempıonatynyń elıtalyq dıvızıonynda fınalǵa shyqqan quramalar anyqtaldy, dep habarlaıdy QazAqparat tilshisi.

Mundaı múmkindikke Kanada jáne Germanııa qol jetkizdi.

Jartylaı fınalda kanadalyq hokkeıshiler latvııalyqtarmen kezdesti.

Oıynnyń birinshi kezeńinde Latvııa quramasy 1:0 esebimen basym turdy.

Ekinshi kezeńde quramalar bir-bir gol soqty. Sheshýshi úshinshi kezeńde kanadalyq hokkeıshiler qatarynan úsh shaıba engizip, fınalǵa joldama taǵdyryn sheshti.

Osylaısha Kanada qarsylasynan 4:2 esebimen basym tústi.

Al taǵy bir kezdesýde Germanııa quramasy AQSh-ty 4:3 esebimen tize búktirdi.

Fınal men 3-oryn úshin saıys 28 mamyrda ótedi.

Aıta ketsek, álem chempıonaty 12 mamyrda Latvııanyń Rıga jáne Fınlıandııanyń Tampere qalalarynda bastaldy.

Eske salsaq, Qazaqstan quramasy bıyl elıtalyq dıvızıondaǵy ornyn saqtap qaldy.