Hokkeıden álem chempıonatynda Qazaqstan quramasy taǵy bir jeńiliske ushyrady
STANA. Mamyrdyń 19-y. QazAqparat /Muratbek Maqulbekov/ - Germanııada ótip jatqan shaıbaly hokkeıden álem chempıonatynda Qazaqstan quramasy seısenbi kúni taǵy bir jeńiliske ushyrady. Bul joly A.Shaıanovtyń tárbıelenýshileri Frantsııa komandasynan 3:5 esebimen jeńildi, dep habarlady Qazaqstannyń Shaıbaly hokkeı federatsııasynyń baspasóz qyzmetinen.
«2011 jyly da álemdik birinshiliktiń top-dıvızıonynda qalý quqyǵyn saqtaý úshin Qazaqstan quramasyna bul matchta birneshe shaıba aıyrymmen jeńis qajet edi. Biraq kezekti jeńilis bizge bul maqsatqa qol jetkizýge múmkindik bergen joq, Qazaqstan quramasy álem chempıonatynyń birinshi dıvızıonyna qaıta oralady»,- delingen federatsııanyń baspasóz qyzmetiniń habarlamasynda.
Bul oıynda Qazaqstan jaqtan Roman Starchenko, Vadım Krasnoslobodtsev jáne Dmıtrıı Dýdarev shaıbalar soqty.
Esterińizge sala keteıik, Qazaqstan quramasy Germanııada alty kezdesý ótkizdi. Oıyndardyń nátıjeleri: Belarýs-Qazaqstan - 5:2, Qazaqstan-Slovakııa - 1:5, Reseı-Qazaqstan - 4:1, Qazaqstan-AQSh - 0:10, Qazaqstan-Italııa-1:2, Frantsııa-Qazaqstan-5:3.
