Hokkeıden álem chempıonatynda Qazaqstan elıtalyq dıvızıondaǵy ornyn saqtap qaldy
ASTANA. QazAqparat - Shaıbaly hokkeıden Qazaqstan quramasy álem chempıonatynyń elıtalyq dıvızıondaǵy ornyn saqtap qaldy, dep habarlaıdy QazAqparat tilshisi.
Bul Slovenııa quramasy Slovakııadan 0:1 esebimen jeńilgennen keıin belgili boldy.
V tobynda synǵa túsip jatqan el quramasy buǵan deıin býllıtten Norvegııa men Slovakııany 4:3 esebimen jeńse, Shveıtsarııaǵa 0:5, Kanada men Chehııaǵa 1:5, Latvııaǵa 0:7 esebimen ese jiberdi.
Nátıjesinde Qazaqstan quramasy eki oıynnan keıin tórt upaı jınady.
Al Slovenııa qatarynan alty kezdesýde qarsylastaryna ese jiberip, birde-bir upaıǵa ıe bolǵan joq.
Endi Qazaqstan men Slovenııa 22 mamyrda sheberlik baıqasady.
Atalǵan oıynda slovenııalyq hokkeıshiler jeńiske jetken jaǵdaıda da qazaqstandyqtardy basyp oza almaıdy.
Osylaısha el quramasy 2024 jylǵy álem chempıonatynda elıtalyq dıvızıonda oıyn kórsetýge múmkindik alyp otyr.
