Hokkeıden álem chempıonatynda Antropov Qazaqstan quramasynyń kapıtany bolady
ASTANA. QazAqparat - Hokkeıden Qazaqstan quramasynyń jattyqtyrýshylar shtaby «Barystyń» shabýyldaýshysy Nıkolaı Antropovty álem chempıonatyndaǵy qurama kapıtany dep taǵaıyndady.
Al «Barys» kapıtany Dmıtrıı Ýpper men Astana klýbynyń qorǵaýshysy Alekseı Lıtvıenko assıstentteri boldy.
Atap óter bolsaq, Italııaǵa qarsy eki joldastyq kezdesýde Ýpper men Antropov muz aıdynyna kapıtan retinde kezektesip shyqqan edi. Sodan keıin basshylyq óz tańdaýyn jasady.
Qazir Qazaqstan quramasy Frantsııada, olar búgin túnde jergilikti komandamen joldastyq kezdesý ótkizedi. Bastalýy astana ýaqyty boıynsha 00.15-te.
Eske sala keteıik, hokkeıden álem chempıonaty Mınskide 9-25 mamyr aralyǵynda ótedi. Qazaqstan quramasy «V» tobynda Fınlıandııa, Reseı, AQSh, Shveıtsarııa, Germanııa, Latvııa jáne Belorýssııa komandalarymen oınaıdy, dep habarlady Vesti.kz.
